Азиза Мурзашова: Эч качан романтикалык жолугушууну Chicken Starда белгилебегиле...

Эгер сиз корей соусу менен даярдалган даамдуу фирмалык тоок этин тамшана жегинди жактырсаңыз, эч качан романтикалык жолугушууну Chicken Starда белгилебеңиз.

Элестетип көрүңүз, сиз жолугушууга өзгөчө сулуу, табышмактуу Бийкеч болуп келдиңиз дейли. Кытыраган, жыттуу кычкыл-таттуу соус менен даярдалган ширелүү тоок этин эки кишиге заказ бердиңиз. Аны сизге, албетте, айры жана атайын чымчып жай турган шаймандарды берет.

БИРОК, тоок эти ушунчалык даамдуу болгондуктан, анын үчтөн эки бөлүгүнө келгенде, гастрономиялык ырахатка ушунчалык берилип кетип, мээ тык этип эле өзүнүн иштешин токтотуп, маданият дегенди унутуп, шалтактап соуска малынганыңызга карабай, эки колуңузду табакка салып жибергениңизди байкабай, тооктун этин сугунуп баштайсыз. Бардык 9 манжаңыз (эмнеге 9? Анткени, сиз чыныгы ак сөөк катары оң колуңуздун чыпалагын өйдө каратып, кайкалатып аласызда) ширелүү соуска малынып, тиштердин арасына тооктун эти уят кылып туруп калат. Бирок сизге баары бир, себеби ушунчалык даамдуу дейсиз...

Мына дал ушул себептен, сиздердин мамилеңиздер айтардык ишеничтүү чекке жетип, ынак боло элек болсоңуздар, Chicken Starда жолугушууну белгилебей туруңуздар. Аталган жигит дагы сиздин соус менен кооздолгонуңузду, жаман адатыңызды жана табитиңиздин мыктылыгын көрүп шок болбойт. Тоок этин, роллы-суши, бургер, шаурма, лагмандарды жакын курбуңуз менен барып жеңиз, ал эми биринчи этаптагы жолугушууну сиз табышмактуу жана өтө маданияттуу Бийкеч көрүнгөн жерде белгилеңиз.

Булак: https://www.facebook.com/aziza.murzashova

Блогер: Бишкектин сойкулары катталган сайтка кокустан туш болуп калып...

Кечээ мен Бишкектин сойкулары катталган сайтка кокустан кирип калып, өзүмдү баалап жүргөн көз карашым эки бөлмө үйүмдүн эшигинен чыкпай калды.

Чамасы, биз күйөөлүү аялдар өзүбүздү аябай эле бийик баалап алсак керек! Биздин секс өнөр жайыбызда керт башын, каражанын аябай (башка органдарын дагы) кыргыздын өзүнчө эле Адреана Лималары (супер модель) эмгектенип келет.

Толтурган анкеталарына караганда, алардын баары 19 жашта, ал эми салмагы 50 килограмм. Элестетип көрүңүз, алардын жаш денесинде бир грамм дагы ашыкча салмак жок. Мына ушундай “бийкечтер” мырзаларга болгону эки миңден ашпаган сом үчүн жетип келүү даяр.

Эми ар дайым жолдошума “чоёктоп” оозумду ачарда көз алдыма грамм кемчилиги жок түнкү көпөлөктөрдүн элеси келе берет.

Булак: https://www.facebook.com/permalink.php?story_fbid=1025023054324660&id=100004509255751

Кыргызстандын уюлдук операторлорунун алдыңкы тарифтерин салыштыруу

 

Акыры, Кыргызстандын уюлдук операторлорунун тарифтик пландарын салыштырып жүргөн байкоолорумдун жыйынтыгында атайын долбоорду презентациялаганга бышып жетилдим.

Кардарларды талашуу боюнча маркетингдик күрөш 2016-жылдын 1-январынан тарта мобилдик байланыш кызмат көрсөткөн компанияларды абоненттеринин номерин башка операторлорго которуу кызматын көрсөтүүгө милдеттендирип койгондон кийин аябай күч алды. Бул нерсе уюлдук операторлорунун ортосунда кызматтын сапаты, баасы жана дагы кошумча опциялар боюнча атаандаштыктын болушуна шарт түзүп жатат.

Операторлор биринен бири калышпай абоненттерге “Эң ыңгайлуу сунуштарын” сунуштап жатышат жана алардын кайсынысы чынында эле мыкты сунуш экенин аныктоо оңой эмес.

Баары сыяктуу эле мен дагы ар бир байланыш операторунун сим-картасын иштетем. Бирок көпчүлүгүбүз сапаттуу түрдө бир гана симкабызды колдонуп, калганын жардамчы катарында колдонуп келебиз. Бул макалада биз көп симка түшө турган телефондорубузда негизги ролду аткарууга умтулган уюлдук операторлордун эң алдыңкы тарифтерин талдоого алабыз.

Мүнөт, интернет, смс билдирүүлөр, тагыраак айтканда, баары камтылган тарифтерди гана салыштырып көрөбүз. Бул тарифтер - “Билайндан” “Твой Стиль”, чагымчыл мүнөзгө ээ “Переходи на О!”, жана “Мегакомдон” жаңы тариф “Элдик”.

Белгилеп кетүүчү жагдай, батыштагы уюлдук операторлордун баары интернет-провайдерлерге айланып калышкан, ушул эле кырдаал бир нече жыл кечирээк Кыргызстанда дагы башталып отурат.

Операторлор трафик өткөргүч түтүккө айланып баратышат.

Ошентип окшоштурууга жана дагы тарифтик пландарды салыштыруу үчүн уюлдук операторлордун тарифтик торчолорун түзүү логикасын түшүнүү керек болду. Азыркы учурда уюлдук операторлордун “үч кити” сызгычтык сунушка өтүп алышкан, анда ар бир сунушталган лимитсиз кызмат үчүн абоненттик төлөм алынат. Бизди бир айга канча төлөм алынары кызыктырат. Абоненттик төлөмдү баары эле бир учурда ала бербейт, ошондуктан, ал көлөмдөрдү гана көбөйтүп койдум.

Эсептөөгө ыңгайлуу болуусу үчүн бир таблицага бириктирип койдум, ал жерде баары түшүнүктүү болуп турат.  Бирок, алардын астында бир аз түшүндүрүп, айрым “фишкаларга” көңүлүңүздөрдү буруп кетейин. Ар бир операторлордун ар кандай деңгээлде өзүнүн “плюстары” жана “минустары” бар. Кичинекей шрифттеги жылдызча белгисин кароону дагы унутпайлы.

Билайн «Твой Стиль»

Бир айга төлөм

Тармактагы мүнөт

Тармактан сырткары

мүнөт

Смс

МБ/30 суткага

500

1 000

100

100

512

1000

2 750

250

250

1 024

1500

4 550

450

450

2 048

2500

6 000

1 000

600

6 144

1 СМСтинбаасы - 0,9 сом

Тармак ичиндеги 1 мүнөттүн баасы - 1,9 сом

Тармактан сырткары чалуулардын баасы 1 МБ - 2,9 сом

КР боюнча чалууларды тегеректөө 1 секундга чейин, интернет -  1 кбга чейин

Мегаком «Элдик»

Бир айга төлөм

Тармактагы мүнөт

Тармактан сырткары

мүнөт

Смс

МБ/28 күнгө

200

1 200

0

2000

4 200 (бир күнгө 150)

360

2 000

0

4 000

8 400 (бир күнгө 300)

480

3 800

120

6 000

14 000 (бир күнгө 500)

640

5 200

120

8 000

21 000 (бир күнгө 750)

840

6 000

200

10 000

29 400 (бир күнгө 1050)

1 Мбтын, мшнөттүн, СМСтин баасы - 0,95 сом

Тармактан сырткары чалуулардын баасы - 2,95 сом

КР боюнча чалууларды тегеректөө 10 секундга чейин, интернет – 100 кбга чейин

О! «Переходи на О!»

Бир айга төлөм

Тармактагы мүнөт

Тармактан сырткары

мүнөт

Смс

МБ/28 күнгө

480

5040

120

5 600

2100 (300)

Тармак ичиндеги 1 мүнөттүн, СМСтин баасы - 0,99 сом

Тармактан сырткары чалуулардын баасы  - 3,99 сом

Ого чалууларды тегеректөө – 1 секундга чейин, КР боюнча чалууларды тегеректөө 10 секундга чейин

           

Кызык жагдай түзүлдү. Жөнөкөйлүк жагынан алганда, О! уюлдук оператору кубандырат. Бирок, абоненттердин баары эле мүнөттөрүн, СМС билдирүүлөрүн бирдей коротуп, баары эле интернет пайдалана бербейт да. Менимче, тандоонун жоктугу ыңгайсыз. Эгерде интернетти көбүрөөк колдоном десең, анда кошумча кызматтарды кошуу керек болот, албетте, бул кошумча чыгымды алып келет. 128Кбит/секундадан кийин ылдамдыктын азайышына дагы көңүл бурбай коюуга мүмкүн эмес. Анткени, биз баарыбыз жогорку ылдамдыктагы интернетти каалайбыз. Кыскасы, сиз ишкер адам болбосоңуз анда О! Операторунун сунуштары сизди толугу менен канааттандырышы мүмкүн.

Көбүрөөк интернет колдоном дегендерге, албетте, “Мегаком” туура келет. Тандоо үчүн 5(!) варианттын берилиши, чөнтөгүңүзгө жана дагы муктаждыгыңызга жараша каалаган опцияңызды тандоого шарт түзөт. Мен бир жумага 120 сом пакетин сунуштамакмын. Нуртелеком сунуштап жаткан атаандаш тариф менен салыштырганда “Мегаком” ошол эле баага тармак ичинде сүйлөшүүгө көбүрөөк мүнөт берет. Мегабайт менен мүнөттү тегеректөө жагындагы “минусту” эске албаганда, интернет үчүн күрөштө саны боюнча дагы, сапаты боюнча дагы алдыга озуп чыгып жатат. Ал эми ылдамдыктын дайыма жогору болушу бул чоң “плюс”. Тармак ичинде, тармактан сырткары чалуулар дагы жетиштүү.

“Баары камтылган” принциби боюнча эң арзан сунуш Билайндын 500 сомдон башталган сунушу. Бул жерде уюлдук оператор тармак ичинде дагы, тармактан сырткары дагы чалууларынын мүнөттөрү менен мактанышы мүмкүн. Бирок, ошол эле баадагы СМС жана дагы максималдуу ылдамдыктагы интернет башка операторлорго салыштырмалуу өтө аз. Ошентсе дагы бир катар интернет-опциялар тандоого коюлган, бирок аларды өзүнчө тандап кошуу керек. Жалпысынан алганда, Билайндын алдыңкы тарифи жакшы сунуш, бирок, баалары чөнтөгүңүздү шыпырып коет.

Сунушталган тарифтер менен кошо берилген СМСтерди мен эсепке албай деле коет элем, анткени ачыгын айтканда азыр СМС менен колдонгондор кыйла азайды. Акысыз берилген СМСтин көлөмү өтө  көп болгондуктан, уюлдук операторлорго алкыш айтууга болот.

НсП жана НДС салыктары тууралуу кеп кылуунун дагы кажети жок, баарынын схемалары окшош – көрсөтүлгөн пакеттерде баары камтылган, лимиттен тышкаркы тарификацияда кошулган эмес. Ошондуктан, баарыңыздарга берилген лимиттен ашпоо керектигин кеңеш берем.

Денис Бердаков, Саясатчы

Канат Мидин уулу: "Коомубузда ийгиликке жеткен адамдар канчалык көп болсо, мамлекетибиз ошончолук күчтөнөт, өнүгөт"

Шайлоо жакындаганы, партиялар биригип, айрымдары жаштарды катарына кошуу максатында жаштар түзгөн ар-кандай кыймылдар менен бирге иштешип башташты. Деги эле алдыда боло турган парламенттик шайлоо кандай өтөт? Анда жаштардын ролу канчалык? Алар саясатка аралашуу менен мамлекетти алдыга сүрөй алабы? Бул суроолорго жоопту “Республика-Ата Журт” партиясынын жаштар канатынын лидери Канат Мидин уулу жооп берди.

 

 

-  Алдыда боло турган шайлоонун таза өтөрүнө ишенесизби?

- Күзүндө өтчү шайлоо таза өтөт деген үмүт бар. Бул биз үчүн чоң тарыхый экзамен деп айтып кетсем болот. Мына ушул шайлоодон кийин билинет биздин алдыга же артка кеткенибиз.

-  Шайлоонун таза өтүүсү үчүн жаштар кандай аракеттерди көрүп жатышат?

- Шайлоо таза өтүүсү үчүн жаштар тараптан чогу жүргүзүлгөн деле иш чараларды көргөн жокмун, бирок ар бир партиялардын жаштар канаттарында түшүндүрү иштери жүрүп жатат деген ишеним бар. Жалпысынан алганда ар бири өзүнүн иштери менен гана алек.

-  Шайлоого катышуу менен жаштар мамлекетти алдыга жылдыра алабы?

- Ооба. Шайлоо бул мыйзам чегиндеги саясий процесстерге аралашуунун жолу, ирээти. Эгерде шайлоо таза өтсө биз татыктууларды тандап алсак, мына ошол адамдар эми мойнундагы чоң жоопкерчиликти сезе билишсе менимче мамлекетибизде чоң өзгөрүүлөр болот. Бирок кайра эле баягы эски көз караштагы, алдым-жуттум деген философияны тутунган адамдар келсе эч кандай өзгөрүүлөр болбойт, тескерисинче артка кетебиз.

-  Башында бийликке сын айтып, кыйкырып чыгышып эле, максаттарына жетип, бийлик тараптан жакшы сунуштар түшсө эле дымып калган жаштарга көз карашыңыз?

- Эми ар-кандай адамдар бар да. Бирөөнү сындагандан алыс эле болоюн,  эл өзү тараза, өзү сынчы. Бирок айрым мамлекетти өмүр бою тоногон, парламентке келип алып “балык” болгон депутаттарга караганда - сиз айткан активисттер бир канча мен үчүн өйдөрөөк. Анан биздин саясий система тууралуу да айтып коюш керек, биздеги түзүлүп калган саясий абал баары бир биргүүгө мажбур кылат.

- Акчасы, таанышы жок жаштар таза боюнча саясатка аралаша алабы?

-Менимче аралаша алат, ал адамдын эркине байланыштуу. Бирок бүгүнкү коомубуз ошондой адамдарга канчалык даяр? Аз болсо дагы шайлоого катышып калдым да. Бизде элибиздин бир бөлүгү адамдын денгээлин карап, же анын ой жүгүртүүсүн, программасына, буга чейин кылган иштерин карап колдобойт. Чөнтөгүнүн калыңдыгына, жердешчилик уруучулугуна карап колдошот.

-  Болсо кантип?

- Бул чоң тема, мен кыскача жооп берсем. Саясатка аралашуунун мыйзамда каралган, жана каралбаган жолдору бар. Мисалы, мыйзам чегиндеги жолдору: сен саясий партия менен бирге барасың. Бирок саясий партиянын ичиндеги ордуң кандай болот? Ал сенин чөнтөгүңө, сенин коомдогу кадыр баркыңа байланыштуу. Ошол үчүн саясий партия аркылуу аралашуунун дагы жолдору бар. Экинчи жолу бул мыйзам бузуп, революция кылуу. Бирок бизге бул жол туура келбейт. Биз аң сеизимибизде, көз карашыбызда революция кылышыбыз керек. Ошол үчүн партия аркылуу аралашууну туура көрөм.

-  Күздө боло турган шайлоодо жаштардын орду канчалык?

- Күздөгү шайлоодо ар бир партияда жаштардын орду ар-кандай. Бизде негизи коомубузда жаңы жүздөргө, жаштарга талап күчтүү. Менин билишимче Республика-Ата Журт, СДПК, Ата-Мекен, Мекен Ынтымагы партиялары тизмелерин түзүүдө жаштарга басым жасашат. Бирок ошол жаштар дагы кандай критерийлер менен тандалат? Суроо ушунда.   

- Жеке сиз жаш активист катары өлкөгө кандай пайда алып келем деп ойлойсуз?

- Буюрса, баардыгы алдыда, пешенебизге жазганын көрөбүз. Бирок алдыга койгон чоң максаттарым бар. Ошолорду ишке ашырсам, өзүмө ыраазы болом. Эң негизгиси бүгүнкү күнгө чейин бирөөго жамандык кылган жокмун, уурдап бирөөнүн мал мүлкүн тартып алган жокмун. Келечекте дагы мыйзам чегинде жашап, журтума пайдалуу боло алсам мен үчүн ийгилик.

-  Бири-бирин көрө албай, арттарынан жамандап жүрүшкөн жаштар да көбөйдү. Жаш активисттер экиге бөлүнүп кеткен сыяктуу. Бул көрүнүшкө көз карашыңыз?

- Бара-бара түзөлөбүз. Кичинекей балага да оюнчук берип койсоң, башында мындай ойноп тигиндей ойноп анан кызыгы кеткенде таштап коёт. Анын сыңарындай бизге дагы сөз эркиндиги, социалдык тармактар, технологиялар эми жаңыдан жетип атат. Көз караштардын, идеялардын кагылышуусу болот. Бул нормалдуу көрүнүш, өзгөчө демократия, маалыматтык технологиялардын доорунда. Болгону Түндүк Корея, Өзбекстан сыяктуу диктатура орногон, сөз эркиндиги жок мамлекеттердеги баардык жарандардын позициясы бирдей өңдөнөт. Каалоом болгону майдаланбасак, эркек адам кичине оор басырыктуу болсо.

- Кыргызстанга кайдыгер карабагандар кандай кадамдарды жасашы керек?

- Менимче эң биринчиси биз билим алсак, өзүбүздүн деңгээлибизди көтөрсөк. Тил үйрөнүп, бизнес ачып, жаңы ийгиликтерди багындырсак. Чет мамлекеттерге чыгып жер кыдырсак, спорт менен машыгып сергек жүрсөк. Коомубузда ийгиликке жеткен адамдар канчалык көп болсо, мамлекетибиз ошончолук күчтөнөт, өнүгөт. Мына алдыңкы мамлекеттер кандай өнүгүп атышат, космосту багындырып, суу менен жүргөн машиналарды чыгарышууда. Биз өтө арттабыз, ошол үчү баардыгыбыз алдыга умтулушубуз керек.

-  Жаштарга айта турган каалооңуз. Аларды кандай көргүңүз келет?

- Биздин жаштарыбыз биринчиден мамлекетибиздин келечегине кош көңүл болбосо. “Элүү жылда эл жаңы” дегендей азыр дүйнө жүзү өтө татаалдашып кетти, өзгөрүүлөр өтө тез болуп жатат. Мына ушундай абалда биз мамлекетибизди кантип алдыңкы мамлекеттердин катарына киргизебиз, кантип коомубуздагы ынтымакты бекемдеп, терс көрүнүштөрдөн айрылабыз? Мына ушул суроолордун артында жүрсөң бара-бара жоопторун таба баштайсың, жолдорун көрө баштайсың.

-Рахмат!

-Сизге да рахмат!

Өзгөчө пикир

  • 1
  • 2
  • 3
  • 4
  • 5
  • 6
  • 7
  • 8